Genoa með frábæran sigur á AC Milan

Genoa vann frábæran sigur á AC Milan í ítölsku Seríu A-deildinni í knattspyrnu í dag.

Blerim Dzemaili skoraði eina mark leiksins eftir aðeins tíu mínútna leik. Útlitið varð síðan enn svartara fyrir AC Milan undir lok fyrri hálfleiks þegar Alessio Romagnoli fékk sitt annað gula spjald og því rautt. Liðið var því einum leikmanni færri út leiktímann.

AC Milan reyndi hvað það gat að jafna metin en allt kom fyrir ekki og niðurstaðan því góður sigur Genoa. Genoa er í þrettánda sæti deildarinnar með sex stig en AC Milan í því níunda með níu stig.