Sigur í fyrsta leik tímabilsins hjá Herði og félögum

Hörður Björgvin Magnússon spilaði allan leikinn fyrir Cesena sem vann 2-0 sigur á Brescia í ítölsku B-deildinni í knattspyrnu í dag.

Cesena fékk druamabyrjun, en eftir tveggja mínútna leik varð Paolo Castellni fyrir því óláni að skora sjálfsmark.

Einungis fjórum mínútum síðar tvöfaldaði Antonio Ragusa forystuna fyrir Cesena og þannig stóðu leikar í hálfleik. Ekki urðu mörkin fleiri í síðari hálfleik og lokatölur 2-0.

Leikurinn er liður í fyrstu umferðinni á Ítalíu, en Cesena byrjar tímabilið af krafti. Hörður Björgvin gekk í raðir Cesena á láni frá Juventus á dögunum, en hann lék einnig með Cesena á síðustu leiktíð.