Bíleigendur vilja ekki nýjustu tækni í bíla sína

Bílaframleiðendur eyða miklum fjármunum í að troða hinum ýmsu tækninýjungum í bíla sína en kannanir sýna að bílkaupendur hafa margir hverjir afar takmarkaðan áhuga á þessum tækninýjungum. Könnun sem J.D. Power gerði sýnir að 20% bíleigenda nota alls ekkert 16 af 33 tækninýjungum sem finna má í nýjum bílum.

Meðal þessara tækninýjunga er sjálfvirk lagning í stæði, nettenging í bílum, vörpun upplýsinga á framrúðu og innbyggð öpp í afþreyingarkerfi. Í könnuninni kemur fram að ekki bara er þessi nýja tækni ekkert notuð heldur láta bíleigendur í ljós að þeir vilji alls ekki hafa hana í bílum sínum.

Tengimöguleikar lítið notaðir

Margir af þeim tengimöguleikum sem bjóðast í bíla er lítið notaður, en hinsvegar er almennt mikil ánægja með árekstrarviðvaranir, blindpunktsviðvaranir og búnað sem bremsar sjálfur við aðsteðjandi hættu. Bílaframleiðendur hafa eytt milljörðum dollara í þróun tengimöguleika í bíls sína svo það hlýtur að teljast áfall fyrir þá að sjá að hann er lítið notaður og fyrir vikið gætu bílar líklega verið talsvert ódýrari.

Könnun J.D. Power leiddi einnig í ljós að bíleigendur læra á þá nýju tækni sem í bílum sínum eru á fyrstu 30 dögum eignarhaldsins en eftir það er lítill vilji til að læra á meira og flest annað liggur ónotað í bílnum.