Fótbolti

Perisic til Inter

Ingvi Þór Sæmundsson skrifar
Perisic hefur skorað níu mörk í 38 landsleikjum fyrir Króatíu.
Perisic hefur skorað níu mörk í 38 landsleikjum fyrir Króatíu. vísir/getty
Internazionale hefur fest kaup á Króatanum Ivan Perisic frá Wolfsburg.

Talið er að kaupverðið sé í kringum 14,5 milljónir punda en Perisic skrifaði undir fimm ára samning við Inter.

Wolfsburg hefur orðið fyrir mikilli blóðtöku að undanförnu en um helgina var Kevin De Bruyne, stoðsendingakóngur þýsku úrvalsdeildarinnar í fyrra, seldur til Manchester City.

Perisic lék í rúm tvö ár með Wolfsburg og gerði 20 mörk í 84 leikjum fyrir félagið.

Inter er í 3. sæti ítölsku úrvalsdeildarinnar með sex stig eftir tvær umferðir.

Ítalski boltinn

Mest lesið


Fleiri fréttir

Sjá meira


×

Mest lesið