Bílar

Vinsældir Porsche í Bandaríkjunum slá met

Finnur Thorlacius skrifar
Macan kom, sá og sigraði á Bandaríkjamarkaði, einsog víða annars staðar.
Macan kom, sá og sigraði á Bandaríkjamarkaði, einsog víða annars staðar.
Á síðasta ári voru seldir fleiri Porsche bílar í Bandaríkjunum en nokkru öðru landi. Í ár eru yfir 30 þúsund bílar seldir þar fyrstu sex mánuði ársins, sem svarar til 13% aukningar miðað við sama tímabil í fyrra. Það kemur reyndar ekki á óvart vegna þess að sterk ímynd Porsche  í   Bandaríkj unum   á sér langa sögu.

Ameríski Porsche klúbburinn (PCA) hefur verið starfandi í 60 ár og er sá fjölmennasti í heimi með um 115,000 meðlimi í 143 deildum vítt og breitt um Bandaríkin. Porsche ástríða ameríkana endurspeglaðist einnig ljóslega í könnun sem framkvæmd var nýlega af J.D.Power and Associates, einu virtasta markaðsrannsóknarfyrirtæki Bandaríkjanna. Þar trónir Porsche á toppnum í heildar ánægjukönnun á meðal bandarískra bíleigenda ,   enn eina ferðina .  

 N ýjar gerðir frá Porsche eiga glæsilega innkomu, s.b. Macan sportjeppinn, sem tekur toppsætið í sínum flokki í sinni fyrstu tilraun og Porsche 911 goðsögnin sem hirðir titilinn í fjórða skipti í röð. Ofurjeppinn Cayenne og Panamera Gran Turismo tilla sér líka í toppsætin.  Þessi niðurstaða byggir á reynslu tug þúsunda bandarískra bíleigenda sem átt hafa 2015 árgerðir af Porsche á tímabilinu frá febrúarmánuði og út maí.

Til grundvallar valinu á hverju ári liggur einnig langtíma áreiðanleikarannsókn á bílum á Bandaríkjamarkaði sem hefur verið framkvæmd árlega, samfellt í 29 ár, af J.D. Power and Associates.

Mest lesið




×

Mest lesið