Margrét Lára með tvö í sigri Kristianstad | Klepp í annað sætið

Klepp og Kristianstad unnu góða sigra í norsku og sænsku úrvalsdeildinni í knattspyrnu kvenna í dag. Margrét Lára Viðarsdóttir var á skotskónum fyrir Kristianstad.

Margrét Lára Viðarsdóttir skoraði tvö af mörkum Kristianstad í 3-1 sigri á Vittsjö í sænsku úrvalsdeildinni, en bæði mörk Margrétar komu á fyrstu 23. mínútunum.

Kristanstad er í fjórða sæti deildarinnar með 16 stig, en Margrét Lára spilaði fyrstu 79. mínúturnar. Systir hennar, Elísa Viðarsdóttir, spilaði allan leikinn. Elísabet Gunnarsdóttir þjálfar Kristianstad.

Klepp, lærimeyjar FH-ingsins Jóns Páls Pálmasonar, unnu 2-0 sigur á Amazon Grimstad í norsku úrvalsdeildinni í dag, en með sigrinum skaust Klepp í annað sæti deildarinnar.

Gry Tofte Ims og Hege Hansen voru á skotskónum fyrir Klepp, en Katrín Ásbjörnsdóttir fór af velli í síðari hálfleik vegna meiðsla.