Hjálmar hélt hreinu hjá toppliðinu

Hjálmar Jónsson og félagar hans í IFK Gautaborg gerðu í kvöld markalaust jafntefli gegn Djurgården í sænsku úrvalsdeildinni.

Hjálmar var ekki fastamaður í byrjunarliði Gautaborgar í upphafi tímabilsins en hefur nú byrjað í síðustu þremur deildarleikjum liðsins. IFK Gautaborg hefur unnið þá alla og haldið hreinu í tveimur þeirra.

IFK Gautaborg er á toppi deildarinnar með 26 stig að loknum ellefu umferðum en liðið er með tveggja stiga forystu á Elfsborg. Djurgården er svo í fimmta sæti með 21 stig.