Íslendingahersveit Nordsjælland tapaði enn og aftur

Rúnar Alex Rúnarsson lék sinn fyrsta leik fyrir Nordsjælland í dönsku deildinni í kvöld.

Hann stóð á milli stanganna er Nordsjælland tók á móti Esbjerg og tapaði, 1-3. Rúnar Alex gat lítið gert við mörkunum þremur. Eitt þeirra kom úr víti og var Rúnar Alex ekki fjarri því að verja vítið.

Alls voru fjórir Íslendingar í liði Nordsjælland í kvöld. Rúnar, Adam Örn Arnarson, Guðmundur Þórarinsson og Guðjón Baldvinsson. Ólafur Helgi Kristjánsson er síðan þjálfari liðsins. Guðmundur lagði upp mark liðsins í leiknum.

Nordsjælland erí sjöunda sæti deildarinnar eftir tapið. Þetta var fimmta tap liðsins í síðustu sex leikjum.