Tvöfaldi heimsmeistarinn Mika Hakkinen segir Ferrari eiga erfiða ákvörðun fyrir höndum. Ferrari þarf að ákveða hvort það vill framlengja samning Kimi Raikkonen.
Hakkinen segir að landi sinn þurfi að sýna meiri stöðugleika, hann þurfi að komast oftar á verðlaunapall til að vinna sér inn sæti hjá liðinu á næsta ári.
Liðsfélagi Raikkonen, Sebastian Vettel hefur átt töluvert betra tímabil hingað til, hann hefur unnið eina keppni og verið á verðlaunapalli í öllum nema einni. Raikkonen hefur aðeins einu sinni komist á verðlaunapall á tímabilinu.
„Þegar hingað komið er ég ekki viss um hvort Ferrari ætti að halda Raikkonen. Það er erfitt að segja hvort það er rétt eða röng ákvörðun fyrir Ferrari,“ skrifaði Hakkinen í grein sína í Hermes.
„Við vitum allt um hraða og hæfileika Kimi. Eins reynslumikill ökumaður og hann ætti að sýna það stöðugt eins og við sáum í Barein,“ bætti Hakkinen við.
Liðsstjóri Ferrari, Maurizio Arrivabene segir ekkert liggja á, hann telur að Raikkonen geti blómstrað undir þrýstingi vegna hugsanlegrar framlengingar á samningi.
„Ef þú spyrð mig núna hvort hann eigi nýjan samning skilið þá myndi ég svara játandi. En ég vil halda honum vakandi. Kimi er bestur þegar hann er undir smá pressu. Það er sálfræðinálgunin sem hentar honum best,“ sagði Arrivabene.
Raikkonen þarf að halda áfram að aka eins og hann gerði í Barein til að vea öruggur í sæti sínu hjá Ferrari. Spurningin er bara hvort Ísmaðurinn skili sínu.
Grindavík
Haukar
