Mögnuð innrétting Volvo XC90 Excellence

Í hinum nýútkomna XC90 jeppa Volvo er yfirgengilega flott innrétting sem hæft gæti hvaða þjóðarleiðtoga sem er.

Aftursætin í Excellent útgáfu bílsins eru bara tvö og þar ætti að fara vel um farþega með vænu plássi milli þeirra tveggja sem þar sitja, borði sem reisa má upp á milli sætanna fyrir veitingar eða vinnuaðstöðu.

Sætin er með nuddi og úr stórglæsilegu leðri og viðarinnleggingar víða í innréttingunni færa bílinn á konunglegt stig. Þessi úgáfa XC90 bílsins er sérstaklega beint að Kínamarkaði, en þar er til siðs að eigendur lúxusbíla láti aka sér og þá þarf að fara vel um farþega í aftursætinu.

Stórir afþreyingarskjáir eru festir aftan á höfuðpúða framsætanna svo aftursætisfarþegum leiðist nú ekki er þeim er ekið á milli staða, en þá má einnig nota sem tölvuskjái ef vinnan kallar.

Glös úr sænskum kristal fylgir svo innréttingunni svo að ekki sé nú slorlegt að væta kverkarnar á ferð. Hljóðkerfið í bílnum er heldur ekkert slor, eða 20 hátalara Bowers and Wilkinson hljómleikahöll.