Gráðostur með tómatdöðlumauki, sætum pekanhnetum og maltbrauði

Dásamlegur réttur úr Eldhúsinu hans Eyþórs.

Gráðostur með tómatdöðlumauki, sætum pekanhnetum og maltbrauði

Tómatdöðlumauk

400 gr tómatar í dós

50 gr döðlur

cayanne á hnífsoddi

sjávarsalt



Setjið allt saman í pott og sjóðið við væga suðu í 1 tíma. Smakkið til með saltinu og maukið með töfrasprota.

Sætar pekanhnetur

24 stk pekanhnetur  

1 msk sykur

1 tsk hvítvínsedik

sjávarsalt

4 stk maltbrauðsneiðar

200 gr gráðaostur

Hitið pönnu og ristið pekanhneturnar  í ca 2 min og hristið pönnuna allan tíman. Þegar hneturnar eru farnar að brúnast að utan bætið þið sykrinum smá saman út í pönnuna og hristið hana áfram á meðan. Þegar allur sykurinn er kominn á pönnuna hellið þið edikinu yfir , saltið hneturnar og hellið þeim á smjörpappír og látið standa í 10 min og kólna. 

Skerið ostinn og setjið inn í 180 gráðu heitann ofninn í ca 5 -8 min eða þar til osturinn er farinn að mýkjast. Setjið tómatmaukið og pekanhneturnar yfir ostinn og berið fram.