Erlendir miðlar sem fjallað hafa um gleraugun í morgun segja þau líta einkennilega út og jafnvel vera asnaleg.
Til að nota gleraugun þurfa þau að tengjast Android tæki og þeim fylgir hringlótt fjarstýring, sem tengist gleraugunum með snúru. Á vefnum Mashable segir að spurningar hafi vaknað með rafhlöðuendingu gleraugnanna, en þó er tekið fram að gleraugun séu enn í þróun.
Í gleraugunum er þriggja megapixla myndavél, Wi-Fi, Bluetooth, hátalarar, míkrófónn, hraðamælir, áttaviti og fleiri skynjarar.