Litla lambið Viktor Bergur Ebbi Benediktsson skrifar 27. febrúar 2014 06:00 Börn eru fórnarlömb, einstæðir feður eru fórnarlömb, neytendur eru fórnarlömb, sjúklingar eru fórnarlömb, listamenn eru fórnarlömb, samkynhneigðir eru fórnarlömb, útgerðarmenn eru fórnarlömb, lántakendur eru fórnarlömb, fósturforeldrar eru fórnarlömb, konur eru fórnarlömb, gagnrýnendur eru fórnarlömb, hælisleitendur eru fórnarlömb, bændur eru fórnarlömb, börn eru fórnarlömb, börn eru fórnarlömb, börn eru fórnarlömb, börn eru fórnarlömb, börn eru fórnarlömb. Til umfjöllunar eru fórnarlömb dómskerfisins, fórnarlömb læknamistaka, fórnarlömb pýramídasvika, fórnarlömb kynferðisbrota, fórnarlömb menntakerfisins, fórnarlömb klámvæðingar, fórnarlömb alþjóðavæðingar, fórnarlömb þöggunar, fórnarlömb kirkjunnar, fórnarlömb vaxtastefnunnar, fórnarlömb mansals, fórnarlömb ofbeldis, fórnarlömb ofbeldis, fórnarlömb ofbeldis, fórnarlömb ofbeldis, fórnarlömb eineltis. En hver kemur fyrir leitið, akandi löturhægt á gljáfægðum kagga, til móts við rísandi sól með rúðuna dregna niður? Er þetta lítið lamb sem rúntar um hverfi borgarinnar, með Sjostakovítsj í græjunum og svalafernu í hægri klaufinni? Lambið virðir fyrir sér vígvöllinn, valkestina, örvæntinguna. Það rýkur úr rústunum og fórnarlömbin engjast um í sárum; sárþjáð andlit þeirra speglast á sólgleraugum lambsins sem fær sér svalasopa og jarmar hlutlausu jarmi. Í heimi fórnarlamba tók þetta lamb að sér að vera sigurvegari. Það fékk ekki margt upp í hendurnar, þótti aldrei neitt afburðalamb. Í raun má segja að það hafi lent í því að verða sigurvegari og hefur liðið fyrir það. Það reyndi eitt sinn að kveikja í sér en ull þess er steinull. Og því spyr ég ykkur: Er þetta lamb ekki bara fórnarlamb eins og allir aðrir? Viltu birta grein á Vísi? Sendu okkur póst. Senda grein Bergur Ebbi Mest lesið 76 dagar Erlingur Sigvaldason Skoðun Á hvaða ári er Inga Sæland stödd? Snorri Másson Skoðun Draugagangur í Alaska Hannes Pétursson Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun
Börn eru fórnarlömb, einstæðir feður eru fórnarlömb, neytendur eru fórnarlömb, sjúklingar eru fórnarlömb, listamenn eru fórnarlömb, samkynhneigðir eru fórnarlömb, útgerðarmenn eru fórnarlömb, lántakendur eru fórnarlömb, fósturforeldrar eru fórnarlömb, konur eru fórnarlömb, gagnrýnendur eru fórnarlömb, hælisleitendur eru fórnarlömb, bændur eru fórnarlömb, börn eru fórnarlömb, börn eru fórnarlömb, börn eru fórnarlömb, börn eru fórnarlömb, börn eru fórnarlömb. Til umfjöllunar eru fórnarlömb dómskerfisins, fórnarlömb læknamistaka, fórnarlömb pýramídasvika, fórnarlömb kynferðisbrota, fórnarlömb menntakerfisins, fórnarlömb klámvæðingar, fórnarlömb alþjóðavæðingar, fórnarlömb þöggunar, fórnarlömb kirkjunnar, fórnarlömb vaxtastefnunnar, fórnarlömb mansals, fórnarlömb ofbeldis, fórnarlömb ofbeldis, fórnarlömb ofbeldis, fórnarlömb ofbeldis, fórnarlömb eineltis. En hver kemur fyrir leitið, akandi löturhægt á gljáfægðum kagga, til móts við rísandi sól með rúðuna dregna niður? Er þetta lítið lamb sem rúntar um hverfi borgarinnar, með Sjostakovítsj í græjunum og svalafernu í hægri klaufinni? Lambið virðir fyrir sér vígvöllinn, valkestina, örvæntinguna. Það rýkur úr rústunum og fórnarlömbin engjast um í sárum; sárþjáð andlit þeirra speglast á sólgleraugum lambsins sem fær sér svalasopa og jarmar hlutlausu jarmi. Í heimi fórnarlamba tók þetta lamb að sér að vera sigurvegari. Það fékk ekki margt upp í hendurnar, þótti aldrei neitt afburðalamb. Í raun má segja að það hafi lent í því að verða sigurvegari og hefur liðið fyrir það. Það reyndi eitt sinn að kveikja í sér en ull þess er steinull. Og því spyr ég ykkur: Er þetta lamb ekki bara fórnarlamb eins og allir aðrir?
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun