Mín nótt með Miley Sara McMahon skrifar 7. janúar 2014 07:00 Miley Cyrus er klædd í hvítan nærbol og hvítar náttbuxur. Hún liggur við hlið mér og hrýtur. Þegar hún snýr sér skyndilega á vinstri hliðina dregur hún alla sængina af mér. Þetta er óþolandi! Ég bylti mér stöðugt í von um að koma mér nógu vel fyrir til að geta fest svefn, en mér er kalt og hroturnar í Miley halda fyrir mér vöku. Til að gera illt verra glymur lagið Wrecking Ball í höfði mér, þó ekki í upprunalegri útfærslu rekkjunautar míns, nei, textabrotið „ég Rúv rústa þér“ spilast þess í stað aftur og aftur og aftur…og aftur. Nóttin virðist aldrei ætla að taka enda. Fólk dreymir allar nætur, það er þó ekki alltaf sem maður vaknar og man drauminn. Fyrsti draumurinn sem festist mér í minni á glænýju ári snerist um andvökunótt við hlið bandarísku söngkonunnar Miley Cyrus og hann hlýtur að tákna eitthvað hrikalega merkilegt. Jafn ankannalegur draumur getur ekki annað en verið fyrirboði þess sem árið 2014 mun bera í skauti sér. Með aðstoð alnetsins tókst mér að ráða í drauminn og hann boðar ekki gott. Það táknar ringulreið að deila rúmi með ókunnugri manneskju (fyrir þá sem ekki vita, þá er Miley mér alveg ókunnug), og að liggja sængurlaus í rúmi merkir að illa fari fyrir mér í viðskiptum. Hin hvítu sængur- og náttföt gætu þó bjargað árinu, því hvítt er tákn sakleysis, andlegs jafnvægis og hreinsunar sálar. Nú er ég ekki sérlega lunkin í draumráðningum, en eftir því sem ég best fæ séð mun árið 2014 verða óreiðukennt (í ljósi þess er svolítið skemmtilegt að þemalag draumsins hafi verið Wrecking Ball) en jafnframt lærdómsríkt. Mögulega liggur þó einfaldari skýring að baki draumnum, til dæmis sú að ég var nýbúin að horfa á endursýnt áramótaskaup, kötturinn lá ofan á hálfri sænginni minni og raunverulegur rekkjunautur á það til að hrjóta svolítið. Viltu birta grein á Vísi? Sendu okkur póst. Senda grein Sara McMahon Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Miley Cyrus er klædd í hvítan nærbol og hvítar náttbuxur. Hún liggur við hlið mér og hrýtur. Þegar hún snýr sér skyndilega á vinstri hliðina dregur hún alla sængina af mér. Þetta er óþolandi! Ég bylti mér stöðugt í von um að koma mér nógu vel fyrir til að geta fest svefn, en mér er kalt og hroturnar í Miley halda fyrir mér vöku. Til að gera illt verra glymur lagið Wrecking Ball í höfði mér, þó ekki í upprunalegri útfærslu rekkjunautar míns, nei, textabrotið „ég Rúv rústa þér“ spilast þess í stað aftur og aftur og aftur…og aftur. Nóttin virðist aldrei ætla að taka enda. Fólk dreymir allar nætur, það er þó ekki alltaf sem maður vaknar og man drauminn. Fyrsti draumurinn sem festist mér í minni á glænýju ári snerist um andvökunótt við hlið bandarísku söngkonunnar Miley Cyrus og hann hlýtur að tákna eitthvað hrikalega merkilegt. Jafn ankannalegur draumur getur ekki annað en verið fyrirboði þess sem árið 2014 mun bera í skauti sér. Með aðstoð alnetsins tókst mér að ráða í drauminn og hann boðar ekki gott. Það táknar ringulreið að deila rúmi með ókunnugri manneskju (fyrir þá sem ekki vita, þá er Miley mér alveg ókunnug), og að liggja sængurlaus í rúmi merkir að illa fari fyrir mér í viðskiptum. Hin hvítu sængur- og náttföt gætu þó bjargað árinu, því hvítt er tákn sakleysis, andlegs jafnvægis og hreinsunar sálar. Nú er ég ekki sérlega lunkin í draumráðningum, en eftir því sem ég best fæ séð mun árið 2014 verða óreiðukennt (í ljósi þess er svolítið skemmtilegt að þemalag draumsins hafi verið Wrecking Ball) en jafnframt lærdómsríkt. Mögulega liggur þó einfaldari skýring að baki draumnum, til dæmis sú að ég var nýbúin að horfa á endursýnt áramótaskaup, kötturinn lá ofan á hálfri sænginni minni og raunverulegur rekkjunautur á það til að hrjóta svolítið.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun