Karamellusmákökur Rikku

Rikka bjó til gómsætar súkkulaðismákökur með saltri karamellufyllingu í þætti sínum Hátíðarréttir.

Saltaðar karamellusmákökur

20 stk

Smákökur:

250 g dökkt súkkulaði, saxað

3 msk smjör

2 egg

120 g sykur

1 tsk vanilludropar

60 g hveiti

1/4 tsk lyftiduft

Krem:

250 g smjör

500 g flórsykur

1/4 tsk salt

85 g tilbúin karamella

Smákökur:

Hitið ofninn í 200°C. Bræðið helminginn af súkkulaðinu ásamt smjörinu yfir vatnsbaði. Hrærið egg, sykur og vanilludropa saman þar til að blandan verður ljós og létt. Bætið hveiti, lyftidufti, bræddu súkkulaðiblöndunni og afganginn af súkkulaðinu saman við og hrærið saman. Mótið litlar kúlur með teskeið og raðið á smjörpappírsklædda ofnplötu og bakið í 8-10 mínútur. Kælið.

Krem:

Hrærið smjörið upp og bætið flórsykrinum smám saman út í ásamt saltinu. Hrærið karamellunni saman við og smyrjið kreminu á milli smákakanna.