Bílar

Ók niður hús

Finnur Thorlacius skrifar
Kona ein í Kansas City í Bandaríkjunum afrekaði það nýlega að aka svo hressilega á hús að það varð rústir einar, eins og sjá má hér.

Talið er að bíll hennar, Nissan Armada sem hún hafði reyndar stolið, hafi verið á um 130 km hraða er hún ók á húsið. Á eftir henni voru nokkrir lögreglubílar að reyna að fá hana til að stöðva bílinn og skýrir það hraðann.

Í húsinu, sem er múrsteinshlaðið hús frá 1920, var geymd tylft af fornbílum frá fimmta, sjöttu og sjöunda áratug síðustu aldar, en þeir eru nú ónýtir. Sem betur fer biðu þeir þar uppgerðar, svo tjónið er ekki eins mikið, en tilfinnanlegt samt.

Þótt ótrúlegt megi virðast meiddist konan lítið við áreksturinn, en eftir spítalavist er hætt við því að fangelsi sé hennar næstu viðkomustaður. Enginn var í húsinu svo segja má að furðu vel hafi farið þrátt fyrir allar þessar afleiðingar. Sjá má konuna aka á bygginguna og hana hrynja að stórum hluta í kjölfarið í meðfylgjandi myndskeiði.

Mest lesið




×

Mest lesið