Gunnar Heiðar Þorvaldsson var á skotskónum þegar lið hans Häcken steinlá fyrir Örebro á útivelli í lokaumferð sænsku úrvalsdeildarinnar í dag.
Gunnar Heiðar kom Häcken yfir eftir níu mínútna leik, en síðan fór að síga á ógæfuhliðina hjá liðinu. Lokatölur urðu 5-2 tap.
Kristinn Jónsson spilaði allan leikinn í 1-0 tapi Brommapojkarna gegn FH bönunum í Elfsborg. Brommapojkarna er fyrir löngu fallið úr deild þeirra bestu.
Guðlaugur Victor Pálsson og Arnór Smárason spiluðu allan leikinn í tapi Helsingborg gegn Gefle. Skúli Jón Friðgeirsson var ekki í leikmannahópi Gefle.
Kristinn Steindórsson spilaði allan leikinn fyrir Halmstad sem steinlá gegn Gautaborg 4-1. Guðjón Baldvinsson kom inná í hálfleik hjá Halmstad, en hann fer til Nordsjælland í janúar. Hjálmar Jónsson var ónotaður varamaður hjá Gautaborgarliðinu.
Arnór Ingvi Traustason var ekki í leikmannahópi Norköpping sem gerði jafntefli við Djurgården og sömu sögu má segja af Skúla Jóni Friðgeirssyni hjá Gefle. Gefler er á leið í umspil um laust sæti í deildinni á næstu leiktíð.
Öll úrslit dagsins:
Atvidaberg - Malmö 2-1
Brommapojkarna - Elfsborg 0-1
Djurgården - IFK Norköpping 1-1
Falkenbergs FF - Mjallby 1-1
Gefle - Helsingborg 2-1
Gautaborg - Halmstads BK 5-1
Kalmar - AIK 1-1
Örebro - Häcken 5-2
Gunnar Heiðar skoraði fyrir Häcken
