Emil skoraði fyrsta markið í átta marka leik

Emil Hallfreðsson skoraði fyrsta markið þegar Hellas Verona tapaði 6-2 fyrir Napoli á útivelli í ítölsku A-deildinni í fótbolta í kvöld.

Emil skoraði eftir að aðeins 25 sekúndur með viðstöðulausu skoti rétt utan vítateigs. Glæsilegt mark sem Emil tileinkaði föður sínum sem nýlega lést en Emil fagnaði markinu innilega.

Marek Hamsik jafnaði metin rétt fyrir leikhlé og var staðan í hálfleik 1-1.

Hamsik kom Napli yfir á 58. mínútu en átta mínútum síðar jafnaði Nicolas Lopez metin á ný. Þá skoraði Gonzalo Higuain fyrsta af þremur mörkum sínum en Jose Callejon skoraði einnig fyrir Napoli sem vann eins og áður segir 6-2.

Napoli er með 14 stig í efri hluta deildarinnar en Hellas Verona sat eftir með 11 stig um miðja deild.