Wiesmann leitar enn lífs

Saga Wiesmann sportbílaframleiðandans þýska hófst snemma á árunum eftir 1980. Stofnendur þess eru tvennir bræður sem hófu smíði smávaxinna topplausra sportbíla með BMW vélum.

Fyrir um ári síðan stefndi illa fyrir fyrirtækinu og það stefndi í gjaldþrot. Allar götur síðan hafa eigendur þess leitað leiða til að tryggja Wiesmann frekara fjármagns til áframhaldandi rekstar, án árangurs fram að þessu.

Nú stefnir hinsvegar í að það sé tryggt þó svo ekki sé ljóst hverjir það eru sem standa að baki þeim. Að sögn Wiesmann manna verður búið að hnýta alla enda innan fjögurra til sex vikna og þá geti framleiðsla hafist á ný.

Þegar í gjaldþrot stefndi var Wiesmann að hefja smíði þess bíls sem á myndinni sést. Á sá bíll að verða verðlagður undir grunngerð bíls Wiesmann, þ.e. MF3 bílnum. Þessi nýi bíll á að treysta grunnstoðirnar undir framtíðarrekstur Wiesmann og vonandi verður honum vel tekið svo tryggja megi framtíð þessa litla og skemmtilega bílasmiðs.