Þar hafa hönnuðir Citroën fengið að leika lausum hala og fá sína villtustu drauma uppfyllta. Eins og hér hefur áður verið greint frá verða DS bílar Citroën að lúxusbílamerki franska bílaframleiðandans og munu ekki einu sinni bera Citroën merkið.
Í dag er helsti sölubíll Citroën sem ber DS merkið Citroën DS3 bíllinn sem helst keppir við vandaða smíði Mini bíla, enda í sama stærðarflokki. Eins og sést á þessum myndum eru álíka mörg horn í innréttingu hans og í stærðfræðibók um hornafræði, en flott er hún, með magnað efnisval og útfærslur.
