Hilary Duff sendir frá sér nýtt lag

Söng- og leikkonan Hilary Duff hefur sent frá sér nýtt lag og ber það nafnið All About You. Það eru aðeins tvær vikur síðan að Duff sendi frá sér lagið Chasing The Sun og markaði það einskonar endurkomu stúlkunnar í tónlistarbransann.

Myndbandið við Chasing The Sun hefur fengið um fimmtán milljónir áhorfa á Youtube, sem þykir nokkuð gott miðað við skamman tíma.

Með þessum tveimur nýju lögum er hin 26 ára gamla Duff svo sannarlega að stimpla sig inn í tónlistarsenuna. Hún hefur gefið út fimm hljóðversplötur og er sú sjötta væntanleg.