Bólurnar burt

Eins og það að hafa áhyggjur af bólum í andlitinum við og við sé ekki nóg, þá þurfa sumir að hafa áhyggjur af bólum á bakinu í þokkabót.

Bólur eru ekki einungis sniðnar fyrir unglinga... ó, nei. Við fáum bólur á öllum aldri. Bólur á bakinu myndast af sömu ástæðu og bólurnar í andlitinu, þetta eru oftast stíflaðir eða bólgnir fitukirtlar. Þeir sem að stunda mikla líkamsrækt og eru með viðkvæma húð hafa alloft lent í því að fá bólur á bakið.



Íþróttaföt eru oft til þess gerð að halda vel við líkamann og því þrengri en fötin sem við erum kannski í dagsdaglega. Þetta gerir það að verkum að svitinn sem myndast við átökin nuddast við líkamann og erta hann. Þá myndast upplagt uppvaxtarskilyrði fyrir bólur.

Sjampó, hárnæring og aðrar hármótunarvörur geta líka verið skaðvaldurinn og borgar það sig að skola bakið vel eftir hárþvott.

Lausnin við þessum leiðindum er að drífa sig alltaf í sturtu eftir líkamsræktina. Gott er svo að setja Tea Tree olíu í bómul eða á eyrnapinna og renna yfir bakið. Öðru hverju er svo upplagt að skrúbba bakið með eftirfarandi blöndu:



Bólurnar burt

1 mulin aspirín

1 tsk eplaedik

1 tsk soðið vatn

Blandið öllu saman og nuddið á bólurnar. Látið standa í nokkrar mínútur og skolið svo af.