Liðsfélagi Kristjáns Arnar á batavegi

Aleksander Solli, leikmaður Hönefoss í Noregi, er á batavegi eftir að hann hlaut alvarleg meiðsli í leik í gærkvöldi.

Solli fékk höfuðhögg eftir samstuð og var hlúð að honum í hálftíma áður en hann var fluttur á brott með þyrlu.

Kristján Örn Sigurðsson, liðsfélagi Solli, var einn sá fyrsti sem áttaðis sig á aðstæðum og kallaði á hjálp.

Solli hlaut beinbrot í andliti og fór í aðgerð sem heppnaðist vel. Ástand hans er stöðugt og fengu liðsfélagar hans að heimsækja Solli á sjúkrahúsið í dag.

Mats Andre Kaland, einn leikmanna Hönefoss, birti meðfylgjandi mynd á Twitter í dag.

@ASolli5 er ved godt mot. Kommer sterkt tilbake. Det gjør han alltid. God bedring kompis! pic.twitter.com/pz3y4TwjRQ

— Mats-Andre Kaland (@MatsAKaland) June 10, 2014