Fótbolti

Getum ekki látið Íslending vinna gullskóinn

Viðar Örn hefur það huggulegt í rútu eftir leik.
Viðar Örn hefur það huggulegt í rútu eftir leik. mynd/valerenga
Hinn 19 ára gamli Mohamed "Moi" Elyounoussi skoraði þrennu fyrir Molde í kvöld og hann ætlar að veita Viðari Erni Kjartanssyni samkeppni um gullskóinn í norska boltanum.

Moi er búinn að skora níu mörk í deildinni en Viðar Örn er kominn með þrettán.

"Viðar Örn mun ekki fá neitt ókeypis. Við getum ekki látið Íslending vinna gullskóinn," sagði hinn ungi framherji léttur.

Tor Ole Skullerud, þjálfari Molde, segist hafa fulla trú á því að Moi geti orðið markahæstur í deildinni.

"Ekki spurning en Íslendingurinn er samt ótrúlega öflugur," sagði Skullerud.

Fótbolti á Norðurlöndum

Tengdar fréttir

Mest lesið


Fleiri fréttir

Sjá meira


×

Mest lesið