Hljómsveitin Quarashi hefur sent frá sér sitt fyrsta lag í áratug og ber það nafnið Rock On.„Lagið heitir Rock On og inniheldur vísanir í upphafsár Quarashi,“ segir Sölvi Blöndal, forsprakki hljómsveitarinnar Quarashi sem hefur gefur út sitt fyrsta nýja lag í tíu ár.
Quarashi er ein vinsælasta hljómsveit Íslandssögunnar en hún var stofnuð árið 1996 og starfaði til ársins 2005. Síðasta platan sem sveitin gaf út er Guerilla Disco en hún kom út árið 2004.
„Til að ná upprunalega sándinu voru grafnar upp upptökugræjur sem voru í notkun í byrjun tíunda áratugarins auk annarra hjálpartækja sem þóttu ómissandi við upptökur á tónlist Quarashi á þessum tíma. Við reyndum að endurskapa stemninguna árið 1996,“ sagði Sölvi í samtali við Fréttablaðið fyrir skömmu.
Quarashi kemur saman aftur á einum tónleikum á þessu ári, í Herjólfsdal á Þjóðhátíð í Eyjum um verslunarmannahelgina. Þá stíga allir upprunalegu meðlimirnir á svið; Höskuldur Ólafsson, Steinar Fjeldsted og Ómar „Swarez“ Hauksson. Auk þess verður Egill „Tiny“ Thorarensen með bandinu en hann kom í stað Höskuldar þegar hann yfirgaf sveitina árið 2002.
Hlustaðu á nýja Quarashi lagið
Hljómsveitin Quarashi hefur sent frá sér sitt fyrsta lag í áratug og ber það nafnið
Tengdar fréttir
Quarashi snýr aftur á Þjóðhátíð
Hljómsveitin Quarashi kemur aftur saman á Þjóðhátíð í Eyjum um verslunarmannahelgina.
Quarashi gefur út fyrsta lagið í áratug
„Við reyndum að endurskapa stemninguna árið 1996,“ segir Sölvi Blöndal.
