Pastor Maldonado ökumaður Lotus var fljótastur á lokadegi æfinga á Spáni í fyrradag. Maldonado var tæpri sekúndu á undan næsta manni sem var Nico Rosberg á Mercedes. Þeir óku báðir 102 hringi um brautina.
Tími Maldonado var 1:24,871, Rosberg náði að komast hringinn á 1:25,805. Ferrari maðurinn Kimi Raikkonen varð þriðji á tímanum 1:26,480, hann ók 93 hringi.
Þróunarökumaður McLaren, Stoffel Vandoorne ók lengst allra, 136 hringi. Hann tók í fyrradag þátt í sínu fyrsta prófi í Formúlu 1 bíl. Hann er því kominn langt á leið með að ná sér í ofurleyfi. Eftir það gæti hann keppt í Formúlu 1.
Caterham liðið sleppti æfingunni í fyrradag vegna árekstur sem Kamui Kobayashi lenti í daginn áður.
Lotus er í uppsveiflu og spennandi að fylgjast með hvernig liðinu mun ganga í komandi keppnum.
FH
Breiðablik
