Austurlenskt byggsalat
Íslenskt bygg er mjög trefjaríkt. Trefjar eru taldar lækka blóðfitu í líkamanum auk þess sem að þau hafa góð áhrif á meltingarkerfið. Ráðlagður dagskammtur fyrir fullorðna er um 25-30 g en talið er að hin venjulegi íslendingur neyti aðeins rétt um helming af þessum skammti. Með því að auka neyslu á grænmeti og kornmat komum við smám saman til móts við þessa þörf.
100 g íslenskt bygg, soðið skv. leiðbeiningum á pakkningu og kælt
1 rauð papríka, fræhreinsuð og skorin í bita
200 g rauðkál, rifið
1 gulrót, rifin
2 vorlaukar, sneiddir
25 g kóríander, saxað
1 1/2 msk hnetusmjör
3 msk sojasósa
1 msk sesamolía
1 msk hrísgrjónaedik
1 1/2 hvítlauksrif, pressað
1 tsk rifið engifer
1 msk hunang safi af
1 límónu
Salt og nýmalaður pipar
Blandið öllu búlgur, papríku, rauðkáli, gulrót, vorlauk og kóríander saman í skál. Hrærið hnetusmjöri, sojasósu, sesamolíu, hrísgrjónaediki, hvítlauk, engifer, hunangi og límónu saman og hellið yfir grænmetið. Kryddið með salti og pipar og berið fram.
Léttir sprettir á Facebook
