Heitasti kvensjúkdómalæknir í heimi

Það er eitthvað svo uppörvandi við það að komast að því að konur eru alveg jafn aumkunarverðar og karlmenn.

Spítali í Concepción í Chile á við áhugavert vandamál að stríða, reyndar sjálfskapað, en þangað sækja konur í verulega auknum mæli til kvensjúkdómalæknis þrátt fyrir að þurfa ekki á slíkri þjónustu að halda. Það er ekki af heilsufarsástæðum sem þær gera það heldur vegna þess að ungur læknanemi í kvensjúkdómalækningum hefur hafið þar störf en hann er einnig þekkt fyrirsæta og sigurvegari í fegurðarsamkeppnum.

Manuel Rico er 24 ára verðandi kvensjúkdómalæknir frá Spáni og er svo vinsæll að konur standa í röðum til að njóta þjónustu hans.

Þær konur sem eiga leið til Chile á næstunni og vilja fara í skoðun geta kynnt sér lækninn á Facebook og svo er hann líka að trenda á Twitter.