Blaðamennska á átakasvæðum

Á föstudaginn næsta fer fram fundur um blaða- og fréttamennsku á átakasvæðum í Háskóla Íslands. Það er viðeigandi staðsetning því Háskólinn sjálfur er átakasvæði þar sem bláfátækir og hungraðir námsmenn berjast innbyrðis við þekkingaröflun, í þeirri veiku von um að fá betra starf eftir útskrift en næsti maður.

Fahad Shah frá Indlandi og Atli Thor Fanndal frá Hafnafirði sennilega, komu í Harmageddon til að ræða blaðamennsku enda mikilvægt starf ef maður er ekki fastur í að skrifa um Miley Cyrus og íslensk smástirni sem voru að hætta saman.

En heimurinn er stærri en íbúðManuelu í París og því frábært þegar erlendir blaðamenn koma hingað og stækka sjóndeildarhring okkar.

Fahad talar um ástandið í Kasmír en þar eiga sér stað átök sem við vesturlandabúar verðum varla varir við. Blaðamaður DV fór þó þangað nýlega og birti umfjöllun og myndir frá svæðinu.

Viðtalið við Fahad og Atla er síðan hér.