Dvergurinn með happdrættismiða Bergur Ebbi Benediktsson skrifar 22. ágúst 2013 07:45 Eruð þið búin að heyra söguna af dvergnum sem var að selja happdrættismiða og bankaði upp á á sambýli fyrir þroskahefta með þeim afleiðingum að þroskahefta fólkið handsamaði hann og lokaði inni í skáp því það hélt að hann væri álfur? Ég er allavega búinn að heyra hana. Nokkuð oft meira að segja. Það bregst heldur ekki að í hvert skipti sem ég heyri þessa sögu, hvort sem er í heitum potti eða í spjalli út á götu, fylgir með yfirlýsing um að þótt ótrúlegt megi virðast þá sé þetta 100% sönn saga. Ég hef tekið þessari sögu með mátulegum fyrirvara en flestir sem segja hana virðast yfirmáta vissir um að þetta sé sönn saga. Ég heyrði þessa sögu meira að segja sagða á Rás 1 síðasta sunnudag. Það er bannað að ljúga á Rás 1, er það ekki? Gerðist þetta í alvöru? Ég kannaði málið og það tók ekki langan tíma. Í fáum orðum er svarið nei. Þetta gerðist ekki. Allavega ekki á Íslandi. Sagan telst til svokallaðra flökkusagna og er því til í ýmsum útgáfum. Í Bandaríkjunum er hún yfirleitt sögð þannig að dvergurinn er talinn vera tröll og handsamaður af fólki sem er haldið einhverfu. Þá er dvergurinn oft sagður vera frá Vottum Jehóva en ekki happdrættissölumaður. Sagan hefur verið til í áraraðir og þekkist í ýmsum formum í Ameríku, Norðurlöndunum og víðar. Stundum er sagt að ekki eigi að láta sannleikann spilla góðri sögu. Ég er alveg til í að taka undir það. En til að öllu réttlæti sé haldið til haga þá er niðurstaðan þessi: Fólk er nú búið að hlæja mánuðum saman að „sönnu sögunni“ um þroskahefta fólkið, dverginn og ógæfu þeirra. Ha ha ha. Þau eru svo vitlaus. (bakföll) Ha ha ha. Hvað með þá sem trúa lygum? Eru þeir ekki vitlausir? Sá hlær best sem síðast hlær. Inn í okkur öllum býr nú lítill dvergur með happdrættismiða í hönd sem hlær sig máttlausan að heimsku okkar – því hann hefur aldrei verið til. Viltu birta grein á Vísi? Sendu okkur póst. Senda grein Bergur Ebbi Mest lesið Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun Ríkisstjórnin ræðst gegn ferðaþjónustu bænda Lilja Rannveig Sigurgeirsdóttir Skoðun Hvers vegna var Úlfar rekinn? Hjörtur J. Guðmundsson Skoðun Gangast við mistökum Júlíus Birgir Jóhannsson Skoðun Ég á þetta ég má þetta Arnar Atlason Skoðun 15. maí 2023 - 75 ár frá upphafi Nakba Hjálmtýr Heiðdal Skoðun Hagnaðurinn sem við afsölum okkur: Af hverju salan á Íslandsbanka er samfélagslegt glapræði Karl Héðinn Kristjánsson Skoðun Að apa eða skapa Rósa Dögg Ægisdóttir Skoðun Íslenskumælandi hjúkrunarfræðingar Guðbjörg Pálsdóttir Skoðun Lögfræðingurinn sem gleymdi tilgangi laga Sigríður Svanborgardóttir Skoðun
Eruð þið búin að heyra söguna af dvergnum sem var að selja happdrættismiða og bankaði upp á á sambýli fyrir þroskahefta með þeim afleiðingum að þroskahefta fólkið handsamaði hann og lokaði inni í skáp því það hélt að hann væri álfur? Ég er allavega búinn að heyra hana. Nokkuð oft meira að segja. Það bregst heldur ekki að í hvert skipti sem ég heyri þessa sögu, hvort sem er í heitum potti eða í spjalli út á götu, fylgir með yfirlýsing um að þótt ótrúlegt megi virðast þá sé þetta 100% sönn saga. Ég hef tekið þessari sögu með mátulegum fyrirvara en flestir sem segja hana virðast yfirmáta vissir um að þetta sé sönn saga. Ég heyrði þessa sögu meira að segja sagða á Rás 1 síðasta sunnudag. Það er bannað að ljúga á Rás 1, er það ekki? Gerðist þetta í alvöru? Ég kannaði málið og það tók ekki langan tíma. Í fáum orðum er svarið nei. Þetta gerðist ekki. Allavega ekki á Íslandi. Sagan telst til svokallaðra flökkusagna og er því til í ýmsum útgáfum. Í Bandaríkjunum er hún yfirleitt sögð þannig að dvergurinn er talinn vera tröll og handsamaður af fólki sem er haldið einhverfu. Þá er dvergurinn oft sagður vera frá Vottum Jehóva en ekki happdrættissölumaður. Sagan hefur verið til í áraraðir og þekkist í ýmsum formum í Ameríku, Norðurlöndunum og víðar. Stundum er sagt að ekki eigi að láta sannleikann spilla góðri sögu. Ég er alveg til í að taka undir það. En til að öllu réttlæti sé haldið til haga þá er niðurstaðan þessi: Fólk er nú búið að hlæja mánuðum saman að „sönnu sögunni“ um þroskahefta fólkið, dverginn og ógæfu þeirra. Ha ha ha. Þau eru svo vitlaus. (bakföll) Ha ha ha. Hvað með þá sem trúa lygum? Eru þeir ekki vitlausir? Sá hlær best sem síðast hlær. Inn í okkur öllum býr nú lítill dvergur með happdrættismiða í hönd sem hlær sig máttlausan að heimsku okkar – því hann hefur aldrei verið til.
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun
Hagnaðurinn sem við afsölum okkur: Af hverju salan á Íslandsbanka er samfélagslegt glapræði Karl Héðinn Kristjánsson Skoðun
Um styttingu vinnuvikunnar í leikskólum Reykjavíkurborgar, ákall um leiðréttingu Anna Margrét Ólafsdóttir,Hafdís Svansdóttir,Jónína Einarsdóttir Skoðun
Hagnaðurinn sem við afsölum okkur: Af hverju salan á Íslandsbanka er samfélagslegt glapræði Karl Héðinn Kristjánsson Skoðun