Fyrstu tónleikarnir af sex verða í Garði á þriðjudaginn. Hinir tónleikarnir verða í Fljótshlíð, Höfn í Hornafirði, Húsavík og á Grundarfirði, auk þess sem einir leynitónleikar verða haldnir eingöngu fyrir netið.
Ókeypis verður á alla tónleikana en Pascal Pinon fékk 400 þúsund króna styrk frá Kraumi vegna tónleikaraðarinnar. „Konseptið hjá okkur var að fólk myndi koma á tónleika í fallegu umhverfi sér að kostnaðarlausu,“ segir skipuleggjandinn Áslaug Rún Magnúsdóttir, sem er hluti af blásaratríóinu.
