Mesta úrval borðbúnaðar fyrir veitingahús

Vöruúrvalið hjá BAKO ÍSBERG ehf. er breitt og framleiðendurnir margir. Mikið úrval er af postulíni frá þekktum framleiðendum, svo sem Villeroy&Boch, Steelite, Ziehr og Brönnum. „Einnig erum við með vönduð hnífapör frá WMF og Pintinox sem og mikið úrval af glervöru frá Libbey. Við erum ákaflega stolt af vöruúrvalinu og er það mjög aðgengilegt í sýningarsal okkar að Kletthálsi 13,“ segir Guðmundur Kr. Jónsson, framkvæmdastjóri fyrirtækisins.

Eitt sterkasta vörumerki BAKO ÍSBERG er RATIONAL-gufusteikingarofnar. „RATIONAL eru mest seldu gufusteikingarofnar í heiminum og er Ísland þar engin undantekning. Fremstu veitingahús landsins nota slíka ofna og má sem dæmi nefna Bláa lónið, RadissonBlu, Hótel Sögu, Hilton, Hótel Geysi, Grand Hótel, Munnhörpuna og fleiri,“ segir Guðmundur.

Af öðrum vörumerkjum nefnir hann Winterhalter uppþvottavélar, Electrolux eldhústæki, Blanco stálvörur og Alto Shaam hægsteikingarofna, Viessmann kæli- og frystiklefa, Jöni veltipotta, veltipönnur og eldavélar, Northmace vörur fyrir hótelherbergið og margt fleira.

Stór hluti af starfi BAKO ÍSBERG felst í ráðgjöf til hönnuða, matreiðslumanna, veitingamanna, bakara og annarra fagmanna sem starfa í matvælageiranum. „Starfsfólk BAKO ÍSBERG hefur á undanförnum 26 árum hannað og sett upp hundruð eldhúsa og veitingarýma þannig að reynslan er gríðarlega mikil.“

Helstu verkefni BAKO ÍSBERG ehf. um þessar mundir eru bakarí og þjónustueldhús Kaffitárs, Salts, nýs veitingastaðar á Egilsstöðum, tæki og innréttingar fyrir Bláa lónið, breytingar á eldhúsi utanríkisráðuneytisins og búnaður í matsal Alcoa á Reyðarfirði svo dæmi séu nefnd.

Þjónustudeild BAKO ÍSBERG er vel mönnuð. Þar starfar rafiðnfræðingur og löggiltur rafvirkjameistari ásamt faglærðum rafvirkjum sem sækja reglulega námskeið hjá framleiðendum sem BAKO ÍSBERG ehf. hefur umboð fyrir.