Spila með Vampire Weekend

Of Monsters and Men, sem nýlega spilaði í Ástralíu, hefur tilkynnt um tvenna áhugaverða tónleika í apríl og maí. Fyrri tónleikarnir verða á Cosmopolitan-hótelinu í Las Vegas þar sem hljómsveitin verður aðalnúmerið ásamt bandarísku indírokkurunum í Local Natives. Þeir síðari verða í bænum Morrison í Colorado þar sem Nanna Bryndís Hilmarsdóttir og félagar spila með annarri bandarískri indísveit, Vampire Weekend. Sú heimsþekkta sveit komst á topp bandaríska Billboard-listans fyrir þremur árum með sinni annarri plötu, Contra.