Wiig í Anchorman 2

Leikkonan Kristen Wiig mun fara með hlutverk í gamanmyndinni Anchorman: The Legend Continues. Mótleikkona hennar, Christina Applegate, staðfesti fréttirnar á Twitter.

Adam McKay leikstýrir myndinni sem er sjálfstætt framhald hinnar geysivinsælu gamanmyndar Anchorman: The Legend of Ron Burgundy, sem kom út árið 2004 og skartaði meðal annars Will Ferrell, Christinu Applegate, Steve Carell og Paul Rudd í aðalhlutverkum.

Samkvæmt heimildum vefsíðunnar Thewrap.com mun Wiig leika konu sem persóna Carell, Brick Tamland, hrífst af. Myndin er væntanleg í kvikmyndahús þann 20. desember á þessu ári.