Virkni, vellíðan og bætt heilsa 18. janúar 2013 07:00 Aðalbjörg Þorsteinsdóttir í Villimey. Vörumerkið Villimey þekkja margir en frá árinu 2005 hafa ýmiss konar náttúruleg smyrsl með því nafni notið vinsælda. Nú er ný vara komin á markað frá Villimey en það er eplaedik með mismunandi virkni. Varan hefur verið í þróun frá árinu 2008 og er lífrænt vottuð af Vottunarstöðinni Túni. "Ég vil prófa vörurnar mínar vel og vandlega áður en ég set þær á markað og gef mér góðan tíma í ferlið,“ segir Aðalbjörg. Aðalbjörg Þorsteinsdóttir stendur að baki framleiðslunni. "Í eplaedikinu eru lifandi gerlar (acidophilus) sem eru taldir koma jafnvægi á þarmaflóruna og leiða til betri nýtingar á næringarefnum úr fæðunni. Það er einnig talið styrkjandi fyrir virkni líffæra eins og þvagblöðru, lifrar og nýrna ásamt því að vera gott við brjóstsviða og bólgum. Eplaedik er talið hreinsandi og stuðla að betri meltingu ásamt því að innhalda vítamín, steinefni og annað sem gerir líkamanum gott,“ segir Aðalbjörg.“ Þessar nýju vörur heita Berja Galdur, Hvannar Galdur og Birki Galdur og hafa hver sína virkni. "Berja Galdurinn er með aðalbláberjum sem eru stútfull af andoxunarefnum sem eru talin hægja á hrörnun líkamans, koma í veg fyrir hrukkumyndun og styrkja sjón. Birkið hefur verið notað sem lækningajurt í gegnum aldirnar en það er meðal annars talið hreinsandi, vatnslosandi og bólgueyðandi. Hvönnin er svo talin styrkja ónæmiskerfið og meltingarfærin, losa slím úr öndunarfærum og hefur verið notuð öldum saman sem vörn gegn ýmsum veirum.“ Hún segir eplaediksblöndurnar hafa gert sér og öðrum gott. "Ég var greind með magabólgur þegar ég var nítján ára gömul og hef prófað ýmislegt. Ef ég er undir miklu álagi á ég erfitt með að borða brasaðan mat og jafnvel soðinn fisk en eftir að ég fór að taka eplaedikið fyrir mat hurfu bólgurnar eins og dögg fyrir sólu. Aðalbjörg mælir með því að blanda 1-2 matskeiðum af edikinu út í glas af vatni og drekka 20-30 mínútum fyrir mat til að virkja meltingarensím og auka upptöku næringarefna. Hún segir sams konar vörur oft innihalda vínanda og því veigri sumir sér við þeim, sérstaklega óvirkir alkóhólistar. Eplaedikið dregur fram hollustuefnin í jurtunum með sams konar hætti og varan er alfarið laus við alkóhól. Þá verður blandan basísk í líkamanum sem margir telja eftirsóknarvert. Villimeyjarsmyrslin hennar Aðalbjargar eru af ýmsum toga og meðal annars hugsuð á sár, bólgur, verki, sveppasýkingar, húðútbrot, bleyjubruna og fleira. Þau hafa að hennar sögn reynst afar vel. "Í upphafi hugsaði ég þau aðeins fyrir mig og fjölskylduna en þegar virknin fór að spyrjast út var mér eiginlega ýtt út í að setja þau á markað. Þau eru, líkt og edikblöndurnar, unnin úr jurtum og án allra ilm-, litar- og rotvarnarefna en við framleiðsluna alla hef ég það að markmiði að bæta heilsu og vellíðan fólks.“ En hvaðan kemur þessi grasaáhugi? "Þetta er í báðum ættum hjá mér og mér hefur verið sagt að ég hafi líka verið í þessu í fyrra lífi,“ segir Aðalbjörg og hlær. "Ég hef grúskað mikið í þessu og sótt fjölda námskeiða. Ég er ættuð frá Tálknafirði þar sem ég bý í dag og er mikið náttúrubarn. Ég þrífst best í hreinni náttúru Vestjarða,“ segir Aðalbjörg, sem áður stundaði smábátaútgerð á Tálknafirði og í Hafnarfirði, vann við bókhald og var útibússtjóri Sparisjóðsins á Tálknafirði. Edikblöndurnar fást í Fjarðarkaupum, Heilsuhúsinu og Lyfju. Hægt er að kynna sér Villimey nánar í meðfylgjandi veftímariti. Mest lesið Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent 4,4 milljarðar til borgarinnar vegna framkvæmda á Hólmsheiði Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Stórfyrirtæki hyggja á uppbyggingu á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Þetta kostar skyndibiti á Íslandi Neytendur Bæta við níunda áfangastað sínum á Spáni Viðskipti innlent Fleiri fréttir Greiðsluáskorun Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Fjölbreyttar lausnir fyrir íslenskan markað Lánskjaravakt Aurbjargar auðveldar leit að hagstæðara húsnæðisláni Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi Sjá meira
Vörumerkið Villimey þekkja margir en frá árinu 2005 hafa ýmiss konar náttúruleg smyrsl með því nafni notið vinsælda. Nú er ný vara komin á markað frá Villimey en það er eplaedik með mismunandi virkni. Varan hefur verið í þróun frá árinu 2008 og er lífrænt vottuð af Vottunarstöðinni Túni. "Ég vil prófa vörurnar mínar vel og vandlega áður en ég set þær á markað og gef mér góðan tíma í ferlið,“ segir Aðalbjörg. Aðalbjörg Þorsteinsdóttir stendur að baki framleiðslunni. "Í eplaedikinu eru lifandi gerlar (acidophilus) sem eru taldir koma jafnvægi á þarmaflóruna og leiða til betri nýtingar á næringarefnum úr fæðunni. Það er einnig talið styrkjandi fyrir virkni líffæra eins og þvagblöðru, lifrar og nýrna ásamt því að vera gott við brjóstsviða og bólgum. Eplaedik er talið hreinsandi og stuðla að betri meltingu ásamt því að innhalda vítamín, steinefni og annað sem gerir líkamanum gott,“ segir Aðalbjörg.“ Þessar nýju vörur heita Berja Galdur, Hvannar Galdur og Birki Galdur og hafa hver sína virkni. "Berja Galdurinn er með aðalbláberjum sem eru stútfull af andoxunarefnum sem eru talin hægja á hrörnun líkamans, koma í veg fyrir hrukkumyndun og styrkja sjón. Birkið hefur verið notað sem lækningajurt í gegnum aldirnar en það er meðal annars talið hreinsandi, vatnslosandi og bólgueyðandi. Hvönnin er svo talin styrkja ónæmiskerfið og meltingarfærin, losa slím úr öndunarfærum og hefur verið notuð öldum saman sem vörn gegn ýmsum veirum.“ Hún segir eplaediksblöndurnar hafa gert sér og öðrum gott. "Ég var greind með magabólgur þegar ég var nítján ára gömul og hef prófað ýmislegt. Ef ég er undir miklu álagi á ég erfitt með að borða brasaðan mat og jafnvel soðinn fisk en eftir að ég fór að taka eplaedikið fyrir mat hurfu bólgurnar eins og dögg fyrir sólu. Aðalbjörg mælir með því að blanda 1-2 matskeiðum af edikinu út í glas af vatni og drekka 20-30 mínútum fyrir mat til að virkja meltingarensím og auka upptöku næringarefna. Hún segir sams konar vörur oft innihalda vínanda og því veigri sumir sér við þeim, sérstaklega óvirkir alkóhólistar. Eplaedikið dregur fram hollustuefnin í jurtunum með sams konar hætti og varan er alfarið laus við alkóhól. Þá verður blandan basísk í líkamanum sem margir telja eftirsóknarvert. Villimeyjarsmyrslin hennar Aðalbjargar eru af ýmsum toga og meðal annars hugsuð á sár, bólgur, verki, sveppasýkingar, húðútbrot, bleyjubruna og fleira. Þau hafa að hennar sögn reynst afar vel. "Í upphafi hugsaði ég þau aðeins fyrir mig og fjölskylduna en þegar virknin fór að spyrjast út var mér eiginlega ýtt út í að setja þau á markað. Þau eru, líkt og edikblöndurnar, unnin úr jurtum og án allra ilm-, litar- og rotvarnarefna en við framleiðsluna alla hef ég það að markmiði að bæta heilsu og vellíðan fólks.“ En hvaðan kemur þessi grasaáhugi? "Þetta er í báðum ættum hjá mér og mér hefur verið sagt að ég hafi líka verið í þessu í fyrra lífi,“ segir Aðalbjörg og hlær. "Ég hef grúskað mikið í þessu og sótt fjölda námskeiða. Ég er ættuð frá Tálknafirði þar sem ég bý í dag og er mikið náttúrubarn. Ég þrífst best í hreinni náttúru Vestjarða,“ segir Aðalbjörg, sem áður stundaði smábátaútgerð á Tálknafirði og í Hafnarfirði, vann við bókhald og var útibússtjóri Sparisjóðsins á Tálknafirði. Edikblöndurnar fást í Fjarðarkaupum, Heilsuhúsinu og Lyfju. Hægt er að kynna sér Villimey nánar í meðfylgjandi veftímariti.
Mest lesið Stöðva þurfi rányrkju bílastæðaeigenda Neytendur Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent 4,4 milljarðar til borgarinnar vegna framkvæmda á Hólmsheiði Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Stórfyrirtæki hyggja á uppbyggingu á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Þetta kostar skyndibiti á Íslandi Neytendur Bæta við níunda áfangastað sínum á Spáni Viðskipti innlent Fleiri fréttir Greiðsluáskorun Sinna verktöku hjá Wolt samhliða námi og öðrum störfum Smáhýsin frá BYKO eru vinsæll valkostur fyrir hvaða tilefni sem er Langar meira í 911 T-Hybrid en bæði lungun sín Fjölbreyttar lausnir fyrir íslenskan markað Lánskjaravakt Aurbjargar auðveldar leit að hagstæðara húsnæðisláni Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi Sjá meira