Persónuleg þjónusta og traust

"Við höfum starfað í fjórtán ár og frá upphafi sérhæft okkur í skipulagningu, viðhaldi og uppsetningu tölvukerfa ásamt tæknilegri aðstoð við tölvudeildir,“ útskýrir Sveinn Akerlie, sölu- og markaðsstjóri upplýsingatæknifyrirtækisins Nethönnunar. Hjá Nethönnun er rekin bæði kerfisdeild og hugbúnaðardeild. Kerfisdeildin þjónustar fyrirtæki með tölvukerfi og hugbúnaðardeildin sinnir vefkerfissmíði og sérsmíðum á ýmiss konar hugbúnaðarverkefnum. Þá býður Nethönnun einnig tilbúnar heimasíður á vefsíðunni unit.is. "Þar er að finna tilbúnar heimasíður og veflausnir fyrir fyrirtæki. Viðskiptavinurinn velur einfaldlega síðu sem við setjum upp innan tveggja daga eða samdægurs,“ segir Sveinn. "Við bjóðum einnig upp á síðuna X.is sem er sjálfsafgreiðsla, eða internetsjálfsali eins og við köllum það. Þar geta viðskiptavinir keypt íslensk lén og hýsingar, dns-hýsingar og fleira. X.is er einnig tölvuský-þjónusta þar sem hægt er að vera með nokkra netþjóna í skýi en Nethönnun var einmitt fyrsta fyrirtækið á Íslandi til að bjóða þá þjónustu, eða frá árinu 2010,“ segir Sveinn. "Þá er einnig hægt að hafa samband við okkur beint vegna sérsmíði vefkerfa og sérsmíði á vefsíðum fyrir fyrirtæki, stofnanir og einstaklinga. Viðskiptavinir okkar spanna allan skalann allt frá litlum einstaklingsfyrirtækum til stórra og umsvifamikilla fyrirtækja. Við sjáum meðal annars um tölvukerfið fyrir N1 og erum fjórði stærsti hýsingaraðili á Íslandi. Hér starfa fjórtán manns, kerfisfræðingar, forritarar og grafískir hönnuðir, og er persónuleg þjónusta og traust okkar aðalsmerki.“ Nánari upplýsingar er að finna á síðunni nethonnun.is.