Skyrgámur baðaði sig í Laugardalslaug í morgun

Skyrgámur fór í sitt árlega jólabað í Laugardalslauginni klukkan 11 í morgun og var ljósmyndari Vísis á svæðinu.

Skyrgámur, Pottaskefill og Bjúgnakrækir voru ýmist ofan í eða upp á bökkum Laugadalslaugarinnar í morgun og að loknu jólabaðinu afhentu þeir bræður Hjálpastarfi kirkjunnar ávísun að upphæð 836.500 krónur.

Þetta mun vera ágóði Jólasveinaþjónustu Skyrgáms (skyrgamur.is) frá síðustu jólum, en allt frá árinu 1998 hafa Skyrgámur og bræður gefið 20% af veltu Hjálparstarfsins eða samtals tæplega átta milljónir króna sem runnið hafa í hjálpastarf á Ísland og erlendis.

Vilhelm Gunnarsson, ljósmyndari Vísis, tók meðfylgjandi myndband sem sjá má hér að ofan.