Risa piparkaka í formi jólapeysu

Fyrirtækið Advania tekur þátt í söfnunarátakinu Jólapeysan 2013 á frumlegan máta. Fyrirtækið fékk Okkar bakarí til þess að baka risastóra piparköku í formi jólapeysu sem er til sýnis í verslun Advania.

“Við förum ekkert í þetta átak með neinu hálfkáki. Markmiðið er að safna sem mestum fjármunum fyrir þetta góða átak. Við skorum á upplýsingatæknigeirann að leggja sitt af mörkum,” segir Ægir Már Þórisson framkvæmdastjóri mannauðs- og markaðssviðs Advania.

Jólapeysan 2013 hófst formlega 30. október og er á vegum Barnaheilla – Save The Children á Íslandi til styrktar mannréttindum barna. 

Myndband af bakstri kökunnar má sjá hér að neðan.