Danska blaðið BT greinir frá því í dag að þrjú hollensk lið hafi augastað á Theódóri Elmari Bjarnasyni, leikmanni Randers í dönsku úrvalsdeildinni.
Opnað verður fyrir félagaskipti um áramótin en danska deildin fer í tveggja mánaða vetrarfrí í næstu viku.
Groningen, Utrecht og NEJ Nijmegen eru öll sögð hafa áhuga á Elmari sem hefur staðið sig vel með Randers. Áður hafa ensku B-deildarliðin Ipswich og Brighton sýnt kappanum áhuga.
Randers er sem stendur í níunda sæti dönsku deildarinnar með 20 stig. Liðið mætir Esbjerg í fallbaráttuslag á sunnudaginn.
Landsliðsmaðurinn Guðlaugur Victor Pálsson er nú á mála hjá Nejmegen.
Elmar eftirsóttur í Hollandi
