Loksins sigur hjá Roma

Roma lagði Fiorentina 2-1 í ítölsku úrvalsdeildinni í fótbolta í dag. Þetta er fyrsti sigur Roma eftir fjögur jafntefli í röð en liðið er þremur stigum á eftir toppliði Juventus þrátt fyrir að hafa ekki tapað leik á tímabilinu.

Maicon kom Roma yfir á 7. mínútu en Juan Manuel Vargas jafnaði metin á 29. mínútu og var staðan í hálfleik 1-1.

Mattia Destro tryggði Roma sigurinn með marki á 67. mínútu og Roma komið í 37 stig, þremur stigum á eftir Juventus og tíu stigum á undan Fiorentina sem er í 5. sæti deildarinnar.