Nýtt myndband frá Paul McCartney

Tónlistarmaðurinn og goðsögnin Paul McCartney hefur gefið út nýtt myndband. Myndbandið er við lagið Queenie Eye sem er að finna á nýjustu plötu hans sem ber titilinn New.

Myndbandið er stjörnum prýtt. Leikarinn og hjartaknúsarinn Johnny Depp og breska súpermódelið Kate Moss leiða saman hesta sína í myndbandinu. Þá koma Sean Penn, Meryl Streep, Jude Law og Jeremy Irons þar einnig fram.

Myndbandið var tekið upp í Abbey Road fyrr í þessum mánuði en Simon Aboud leikstýrði myndbandinu. Í laginu fjallar McCartney um bernskuminningar sínar, þegar hann ólst upp í Liverpool.