Vösk framvarðarsveit ungra Sjálfstæðismanna

Harmageddon veitti því athygli að á fremsta bekk á nýliðnum fundi stjórnar Varðar, fulltrúaráðs Sjálfstæðisfélaganna í Reykjavík, sat óvenju fríður hópur ungra og efnilegra stjórnmálamanna.

Um er að ræða traustan hóp ungra Sjálfstæðismanna sem allir hafa látið nokkuð að sér kveða í umræðunni undanfarið. 

Þarna voru þeir Ágeir Geirsson, nemandi í stjórnmálafræði við Háskóla Íslands síðan árið 2007. 

Ólafur Hannesson sem sló eftirminnilega í gegn með frábærum sjónvarpsþætti nefndum eftir sjálfum sér á ÍNN eða Óli á Hrauni. 

Brynjólfur Sveinn Ívarsson sem bauð sig fram til stjórnlagaráðs árið 2010, en Ástþór Magnússon kallaði hann eftirminnilega Skæruliða hægri Öfgamanna í aðdraganda þeirra kosninga og Viðar H. Guðjohnsen en hann var á árum áður öflugur leiðtogi í ungliðahreyfingu Frjálslyndaflokksins og var þá duglegur við að láta að sér kveða í málefnum innflytjenda.

Þessir piltar hafa verið að sækja alla mögulega fundi sem haldnir hafa verið á vegum Sjálfstæðisflokksins og aðildarfélaga hans að undanförnu. Aðspurður sagðist Viðar Guðjohnsen halda að þeir félagar hyggðust allir láta gott af sér leiða fyrir flokkinn í framtíðinni. Félagar í sjálfstæðisflokknum geta þannig glaðst yfir því að þvílík öndvegis sveit muni halda merkjum Fálkans hátt á lofti um ókomin ár.

Hér fyrir neðan getur að líta vaska framgöngu Ólafs Hannessonar (Óla á Hrauni) á landsfundi Flokksins árið 2009.

(Uppfært: Brynjólfur Sveinn Ívarsson gerði athugasemd við þessa frétt og benti á rangfærslur um félagastörf sín. Þetta hafi ekki verið fundur hjá stjórn Varðar í Valhöll, heldur hafi þetta verið fundur um aðalskipulag Reykjavíkur í Valhöll. Beðist er velvirðingar á því.)