Aðeins Tyresö skorað hjá Þóru í þrettán vikur

LdB Malmö vann 2-0 útisigur á Vittsjö í sænsku úrvalsdeildinni í knattspyrnu í gær. Íslendingaliðið hefur fimm stiga forskot á toppnum.

Manon Melis skoraði bæði mörk gestanna í gær. Hollenska markamaskínan hefur skorað átta mörk í deildinni líkt og liðsfélagi hennar Ramona Bachmann frá Sviss. Anja Mittag er markahæsti leikmaður liðsins með ellefu mörk.

Þóra Björg hefur haldið hreinu í þremur sigurleikjum í röð. Liðið hefur unnið fimm í röð en aðeins leikmönnum Tyresö hefur tekist að skora framhjá Þóru frá 4. júní.

LdB Malmö hefur 39 stig á toppnum en Tyresö hefur 34 stig en á leik til góða.