Bílar

Löður opnar tvær nýjar snertilausar þvottastöðvar

Snertilaus þvottastöð Löðurs við Grjótháls
Snertilaus þvottastöð Löðurs við Grjótháls
Löður hefur opnað tvær nýjar snertilausar og sjálfvirkar bílaþvottastöðvar og rekur fyrirtækið nú alls sex þvottastöðvar á höfuðborgarsvæðinu. Nýju stöðvarnar eru á Vesturlandsvegi við Grjótháls 8 og Hagasmára 9 við Smáralind.

,,Snertilausar stöðvar fara betur með lakk bifreiða en aðrar stöðvar þar sem þvotturinn er algjörlega snertilaus við lakkið. Að þvo bifreið með þvottakústum eða tuskum getur alltaf myndað hárfínar rispur á viðkvæmt lakk sem gerir það matt á lengri tíma. Snertilausar stöðvar eru því ákjósanlegur kostur fyrir bifreiðar með gott lakk sem fá reglulegan þvott en síðri kostur fyrir bifreiðar sem hafa ekki verið þrifnar mjög lengi. Betra er að fara með slíkar bifreiðar á bónstöð eða svampburstastöðina á Fiskislóð,“ segir Guðmundur Ingi Hauksson, verkfræðingur og framkvæmdastjóri Löðurs en fyrirtækið hefur einnig unnið að því að undanförnu að gera miklar úrbætur á eldri stöðvum þess.

Löður er í samstarfi við Skeljung með þessar tvær nýju snertilausu stöðvar. Guðmundur Ingi segir að þær séu afar fullkomnar og boðið verði upp á fyrsta flokks þvottaefni, sápur og bónefni. ,,Það er flókinn tölvubúnaður sem fylgir snertulausu þvottstöðvum Löðurs. Tölvustýrðir róbótar sjá um að þvo, bóna og þurrka bílinn. Þetta er samsetning af flóknum tölvubúnaði og efnasamsetningu. Löður er umboðsaðili fyrir PDQ sem er stærsti framleiðandi á bílaþvottastöðvum í heimi en nýju stöðvarnar tvær eru í nýrri línu af þvottastöðvum frá PDQ,“ segir hann.

Guðmundur Ingi segir bætir við að Löður leggi mikla áherslu á að vera umhverfisvænt fyrirtæki og það er m.a. með nýtt og umhverfisvænt leysiefni sem kemur í staðinn fyrir tjöruhreinsi. ,,Efnið leysist að fullu upp í náttúrunni og skilur ekkert eftir sig. Okkur er annt um umhverfisþáttinn og það má benda á að það eyðist fjórum sinnum meira vatn á því að þvo bílinn á þvottaplani heldur en að aka honum í gegnum snertilausa þvottastöð.“

Tölvustýrð vélmenni sjá um þvottinn

Mest lesið




×

Mest lesið