Úr Árbænum og aftur til Svíþjóðar

Knattspyrnukappinn Heiðar Geir Júlíusson er þessa dagana til reynslu hjá IFK Uddevalla í sænsku D-deildinni.

„Hann er með mikla tækni og er eldfljótur sem myndi gefa okkur auka orku í D-deildinni,“ segir Joakim Jensen um Heiðar Geir á heimasíðu félagsins.

Jensen þekkir vel til Jensen en hann lék undir hans stjórn hjá Hammarby á sínum tíma.

„Við erum að vinna í því að loka málinu. Það væri skemmtilegt að fá Heiðar til félagsins og hann vill gjarnan hafa mig sem þjálfara.“

Heiðar Geir lék með Fylkismönnum fyrri hluta Íslandsmótsins í sumar. Heiðar Geir og Fylkir komust hins vegar að þeirri niðurstöðu um mitt mót að best væri að leiðir skildu.