Keyrði Ferrari-bílinn sinn á go-kart braut

Ítalski framherjinn Mario Balotelli elskar að ögra vinnuveitendum sínum. Enn á ný hefur honum tekist að gera stjórnarmenn AC Milan pirraða.

Balotelli hefur einstaklega gaman af því að keyra go-kart bíla en félagið hefur bannað honum það og er komið inn á bannið í samningi hans við félagið.

Framherjinn fann leið fram hjá þessari reglu. Hann mætti einfaldlega með rándýra Ferraríinn sinn á go-kart brautina enda stendur ekkert um það í samningnum.

Balotelli keyrði í um klukkutíma á brautinni á bílnum sínum og var vel hvattur áfram af vinum sínum.

Hægt er að sjá myndir af þessu uppátæki Balotelli hér.