Vilja frekar gott verð en nýjasta nýtt

Aðalatriðið að þeir séu á viðráðanlegu verði en hönnun og tækni skipta minna máli.

Eins mikið og rætt er og ritað um nýja bíla og þá nýjustu tækni sem í þeim er þá virðast kaupendur nýrra bíla frekar vilja gott tilboð í bíl sem ekki er nýlega hannaður en það nýjasta frá bílaframleiendunum. Könnun sem gerð var af bílavefnum AutoTrader.com leiðir þetta í ljós og 80% bílakaupenda vilja frekar gott tilboð en nýjustu hönnun.

Ennfremur kemur í ljós að 57% kaupenda finnst ekki mikilvægt að eiga bíl sem er glæný hönnun eða endurhönnun eldri bíla. Bílaframleiðendur ættu e.t.v. að hafa þessar niðurstöður skýrar í huga í ljósi þeirrar miklu áherslu sem þeir leggja á endursköpun og nýhönnun bíla sem fylgir gríðarlegur kostnaður.

Sama könnun leiðir í ljós að 71% kaupenda bíla höfðu keypt bíla sína af nauðsyn en ekki vegna þess að þeim langaði svo mikið í þá. Sá hlutur, samkvæmt könnuninni, sem skiptir mestu máli við kaup á bílum er að þeir séu á viðráðanlegu verði og settu 27% svarenda það í fyrsta sæti en aðeins 10% settu hönnun og útlit í fyrsta sæti og aðeins 3% nýjustu tækni.