Á ís á 336 kílómetra hraða

Audi RS6 bíll setti heimsmet í hraðakstri á ís við Helsingjabotn.

Nýtt heimsmet í hraðakstri á ís var sett í Finnlandi á dögunum. Metið var sett á ísilögðum Helsingjabotni ekki fjarri Oulu. Bíllinn sem setti metið var Audi RS6 á nýjum Hakkapeliitta 8 dekkjum fá Nokian.

Dekkin sú hljóta að vera heppileg bæði fyrir hraðakstur og hálku því ekki væri hægt að bjóða hvaða dekkjum sem er að þola þetta. Bíllinn náði 335,713 km hraða að meðaltali úr tveimur ferðum á ísilögðu hafinu sem hafði verið mokað fyrir tilraunina.

Það merkilegasta við heimsmetið er væntanlega að það er sett á venjulegum dekkjum sem seld eru á almennum markaði, ekki sérútbúnum dekkjum. Í myndskeiðinu sést Audi bíllinn slá metið. Þar dansar hann eftir ósléttri ísbrautinni, en þó án þess að skrika til.