Fékk risatilboð frá Sherlock Holmes-fólki 14. desember 2012 14:45 Baltasar Kormákur getur valið úr tilboðum um þessar mundir. nordicphotos/getty Baltasar Kormákur getur valið úr tilboðum eftir frábært gengi Hollywood-myndarinnar Contraband með Mark Wahlberg í aðalhlutverki og vel heppnaðar sýningar á Djúpinu erlendis. „Ég er búinn að fá nokkur tilboð eftir sýningar á henni [Djúpinu]. Risatilboð frá Warner Brothers og fleirum, þannig að hún mælist rosalega vel fyrir. Ég er búinn að gera Contraband og menn þekkja mig dálítið. Svo sjá þeir þessa mynd og sjá einhvern annan vinkil,“ segir leikstjórinn. „Þetta er eitthvað sem ég er að skoða, m.a. tilboð frá framleiðandanum að Sherlock Holmes-seríunni um að gera stóra mynd, hugsanlega byrjunina á myndaflokki í svipuðum stíl og Sherlock Holmes-dæmið.“ Djúpið er framlag Íslands til Óskarsverðlaunanna á næsta ári. Baltasar kveðst renna blint í sjóinn varðandi möguleika myndarinnar á að fá tilnefningu. „Ég hef ekki séð hinar myndirnar. Þetta er eins og að hlaupa í kapp við einhvern sem maður veit ekki hvað hleypur hratt. En ég held í vonina. Það verður gaman ef það tekst.“ Leikstjórinn er staddur í Los Angeles að ljúka við svokallað „director‘s cut“ á spennumyndinni Two Guns með Denzel Washington og Wahlberg í aðalhlutverkum. Um tíu vikna ferli er að ræða þar sem Baltasar púslar myndinni saman og lýkur því núna rétt fyrir jólin. Næsta skref verður að fá viðbrögð fólks við útkomunni. Two Guns er dýrasta myndin sem hann hefur gert í kvikmyndaborginni og kostar um sjö milljarða króna eftir skattaafslátt. Frumsýning er fyrirhuguð 16. ágúst á næsta ári. Áframhaldandi vinna við Two Guns heldur áfram eftir áramót en að henni lokinni, eða í apríl, ferðast Baltasar til Ungverjalands og Berlínar þar sem hann leikstýrir prufuþætti fyrir nýja sjónvarpsþáttaröð, The Missionary, á vegum sjónvarpsrisans HBO. Benjamin Walker, virtur sviðsleikari í New York, leikur aðalhlutverkið. „Þetta verður spennandi. Það er mjög eftirsótt að komast í þennan þátt og mikið af leikurum að reyna það,“ segir hann. Að þessu verkefni loknu mun Baltasar líklega leikstýra myndinni Everest sem er sannsöguleg og fjallar um óveður sem klifurmenn lentu í í hlíðum Everest, hæsta fjalli jarðar, árið 1996. Stefnan er að taka hana upp að mestum hluta á Íslandi. Einhverjar tökur verða líka á Everest í Nepal. Baltasar til halds og trausts verður bandaríski fjallagarpurinn David Breashears sem hefur oft farið á topp Everest og unnið sem ráðgjafi við myndirnar Cliffhanger og Seven Years in Tibet. „Hann þekkir þetta eins og lófann á sér.“ Framleiðendur verða Working Title og Universal og stefnir allt í að myndin verði sú dýrasta sem Baltasar hefur tekið sér fyrir hendur. Með skattaafslætti er reiknað með um 7,6 milljarða króna kostnaði. Núna styttist óðfluga í jólin og aðspurður segist Baltasar ætla að reyna að vera með fjölskyldunni heima á Íslandi yfir hátíðirnar. „Ég er ekkert búinn að vera heima síðan í febrúar, nema nokkrar vikur í kringum frumsýninguna á Djúpinu,“ segir leikstjórinn upptekni. freyr@frettabladid.isAFP/NordicPhotos Menning Mest lesið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Baltasar Kormákur getur valið úr tilboðum eftir frábært gengi Hollywood-myndarinnar Contraband með Mark Wahlberg í aðalhlutverki og vel heppnaðar sýningar á Djúpinu erlendis. „Ég er búinn að fá nokkur tilboð eftir sýningar á henni [Djúpinu]. Risatilboð frá Warner Brothers og fleirum, þannig að hún mælist rosalega vel fyrir. Ég er búinn að gera Contraband og menn þekkja mig dálítið. Svo sjá þeir þessa mynd og sjá einhvern annan vinkil,“ segir leikstjórinn. „Þetta er eitthvað sem ég er að skoða, m.a. tilboð frá framleiðandanum að Sherlock Holmes-seríunni um að gera stóra mynd, hugsanlega byrjunina á myndaflokki í svipuðum stíl og Sherlock Holmes-dæmið.“ Djúpið er framlag Íslands til Óskarsverðlaunanna á næsta ári. Baltasar kveðst renna blint í sjóinn varðandi möguleika myndarinnar á að fá tilnefningu. „Ég hef ekki séð hinar myndirnar. Þetta er eins og að hlaupa í kapp við einhvern sem maður veit ekki hvað hleypur hratt. En ég held í vonina. Það verður gaman ef það tekst.“ Leikstjórinn er staddur í Los Angeles að ljúka við svokallað „director‘s cut“ á spennumyndinni Two Guns með Denzel Washington og Wahlberg í aðalhlutverkum. Um tíu vikna ferli er að ræða þar sem Baltasar púslar myndinni saman og lýkur því núna rétt fyrir jólin. Næsta skref verður að fá viðbrögð fólks við útkomunni. Two Guns er dýrasta myndin sem hann hefur gert í kvikmyndaborginni og kostar um sjö milljarða króna eftir skattaafslátt. Frumsýning er fyrirhuguð 16. ágúst á næsta ári. Áframhaldandi vinna við Two Guns heldur áfram eftir áramót en að henni lokinni, eða í apríl, ferðast Baltasar til Ungverjalands og Berlínar þar sem hann leikstýrir prufuþætti fyrir nýja sjónvarpsþáttaröð, The Missionary, á vegum sjónvarpsrisans HBO. Benjamin Walker, virtur sviðsleikari í New York, leikur aðalhlutverkið. „Þetta verður spennandi. Það er mjög eftirsótt að komast í þennan þátt og mikið af leikurum að reyna það,“ segir hann. Að þessu verkefni loknu mun Baltasar líklega leikstýra myndinni Everest sem er sannsöguleg og fjallar um óveður sem klifurmenn lentu í í hlíðum Everest, hæsta fjalli jarðar, árið 1996. Stefnan er að taka hana upp að mestum hluta á Íslandi. Einhverjar tökur verða líka á Everest í Nepal. Baltasar til halds og trausts verður bandaríski fjallagarpurinn David Breashears sem hefur oft farið á topp Everest og unnið sem ráðgjafi við myndirnar Cliffhanger og Seven Years in Tibet. „Hann þekkir þetta eins og lófann á sér.“ Framleiðendur verða Working Title og Universal og stefnir allt í að myndin verði sú dýrasta sem Baltasar hefur tekið sér fyrir hendur. Með skattaafslætti er reiknað með um 7,6 milljarða króna kostnaði. Núna styttist óðfluga í jólin og aðspurður segist Baltasar ætla að reyna að vera með fjölskyldunni heima á Íslandi yfir hátíðirnar. „Ég er ekkert búinn að vera heima síðan í febrúar, nema nokkrar vikur í kringum frumsýninguna á Djúpinu,“ segir leikstjórinn upptekni. freyr@frettabladid.isAFP/NordicPhotos
Menning Mest lesið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Borðar það sem alltaf hefur verið til og léttist og léttist Lífið Hjálmari Erni leið eins og manninum í Slumdog Millionaire í Kviss Lífið Ísland með auga fuglsins Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira