Opnaðu vefverslun á örfáum mínútum

Karfa.is er fullkomin og einföld leið til að opna vefverslun. Boðið er upp á sérsniðnar lausnir en líka sjálfvirkar sölulausnir sem þýða að einstaklingur með góða hugmynd að verslun getur byrjað reksturinn í sófanum heima og verið kominn með netbúð í loftið á innan við hálftíma.

Vefverslunarkerfið Karfa.is er selt í áskrift. Ódýrasti pakkinn kostar 5.900 krónur á mánuði og innifelur meðal annars vefsvæði og greiðslukortaþjónustu. Til eru fyrirframhönnuð verslunarútlit sem áskrifendur geta valið um en auk þess er hægt að fá sérútbúnar lausnir ef þarf og til dæmis láta hanna sérstaka umgjörð utan um verslunina eða tengja vefsölukerfið við lager- og bókhaldsforrit.

Karfa.is fór í loftið í vor og áskrifendahópurinn stækkar hratt og örugglega. Þjónusta sem þessi lækkar verulega þann tækni- og kostnaðarþröskuld sem fyrirtæki hafa áður þurft að yfirstíga til að geta byrjað að nýta sér möguleika þess markaðstorgs sem internetið er.

Fyrir fimm árum var ekki óalgengt að það kostaði 500-800.000 krónur fyrir meðalstórt fyrirtæki að opna vefverslun, en nú er hægt að byrja að selja á netinu á örstuttum tíma og fyrir brot af kostnaðinum. Jafnvel á litlum markaði eins og Íslandi er netið spennandi verslunarstaður og hægt að finna ýmis dæmi hér á landi um vefverslanir sem gera það gott með litlum tilkostnaði og lítilli yfirbyggingu.

Fyrir verslun í Reykjavík getur það stækkað markaðinn verulega að fara á netið, og nær hún þannig betur til neytenda á landsbyggðinni og svo öfugt. Mikil þróunarvinna liggur að baki Körfu.is og varð fyrsti vísirinn að þessari lausn til árið 2006. Forritið hentar ekki bara fyrir íslenska markaðinn og er markið sett á erlenda markaði, meðal annars Skandinavíu. Fyrirtækinu hefur tekist að skapa mjög háþróaða lausn sem ætti að geta höfðað til einyrkja, smærri og stærri fyrirtækja víða.

Nánari upplýsingar má finna hér.